Entela Tabaku Sorman

Nga Entela Tabaku Sorman

Ka ditë kur kam frikë me qenë e lumtun
fjalët e pleqve i kam birë në vesh
çatia diku duhet me piku
e gëzohem për atë traun e thyem në trapazan
se aty pikon
gjak
mandej kam frikë mos me qenë e lumtun
fjalët e pleqve i kam birë në vesh
shëndeti në radhë të parë
e gëzohem që e falenderova zotin
sa hapa sytë
tanë janë mirë
të qofsha falë!

çudi e madhe me birat e mija në vesh
nuk dojnë me u mbyllë
edhe pse vathë kurrë s’kam vu
ka ditë që më dhembin si ditën e parë
e si atëherë i shtrëngoj dorën shoqes
ah
më mbaj!