Një ditë kur të zgjohemi nga pritjet

Nga: Naxhije A Gashani

Një ditë kur do të zgjohemi nga pritjet
Do t'i fshijmë sytë me leckat e lagura së vërtetës
Do të vëmë gishtin në kry' e veten ta shohim në sy
S'e di në do të qeshemi o do të qajmë për jetën

Një ditë kur do të zgjohemi nga pritjet
Do t'i prekim ëndrrat ta dimë në mbetën gjallë
Do t'iu qepemi udhëve t'i takojmë kujtimet
S'e di në do të mërzitemi o do të ndjejmë mall

Një ditë kur do të zgjohemi nga pritjet
Do të jemi diku me thinja si flokëdëbore
Do t'i shndërrojmë përjetimet tona në tregime
Udhëve mund të ecim me bastun përdore

*

Naxhije Gashani