Stinët e shpirtit

Nga: Naxhije Gashani

Ka herë kur jemi veçse një copë nate
Etur e përgjëruar për një grusht yjesh

Ka herë kur jemi veçse një ditëshiu
Me bubullimat skaj qepallash të njomura

Ka herë kur na mbinë syve një copë Dielli
E qeshemi si të marrë përballë vetes

Ka herë kur dashurojmë vetëm ëndrrave
E zgjohemi buzëvarur të vrarë pritjeve

Ka herë kur duam të harrojmë
Por s’duam të mbesim të harruar