meteor

nga xhabir tabaku

shkëputet një yll nga qielli i largët
bahet shkamb drite e bie në liqen

stërkalat e ujit lagin lilat e bardhë
gjeth e lule me dritë hane

peshqit e vegjël tremben
peshqit e mëdhej i zen shkambi përposhtë

yjet e tjerë i frigohen hanës
i frigohen edhe ujit

mblidhen në konstelacione me forma
të çuditshme gjeometrike dhe këndojnë kangë nate

Hana i shpërndan e hidhet vetë mbi liqen
mbi liqenin terr si qiell pa hanë